Президент Мамадыш районында эш сәфәрендә булды

Бүген ТР Президенты Рөстәм Миңнеханов Мамадыш муниципаль районында эш сәфәрендә. Сәфәр программасында каралган төп чара – 2011 елда авыл хуҗалыгының эш нәтиҗәләренә багышланган республика семинар-киңәшмәсендә катнашу. Пленар утырышка кадәр районның Түбән Ушма авылындагы яңа спорт комплексы белән танышу, сөтчелек комплексында булып, терлекчелектә, игенчелектә сакчыл җитештерү технологияләрен кулланышка кертү этаплары, яңа техника һәм җиһазлар күргәзмәсе белән танышу, Рәсимә Вахитованың гаилә фермасында булу каралган. Соңрак район үзәгендәге Мәдәният йортында семинар-киңәшмәнең пленар өлеше узачак.