Назад к списку

Aбдрахманов Илфат Вазифагыз: "Новости Татарстана" тапшыруының алып баручысы Йолдызлык буенча: чаян, үгез. Балачакта кем булырга теләгән идегез: табиб.   Белемегез: драма театры артисты, МДИУның юридик факультеты. Телевидениегә ничек эләктегез: конкурс буенча. Иң яратканыгыз: кызыклы кешеләр белән аралашу.  Нәрсә ачуыгызны чыгара: лаек булмаган кешеләрнең карьеризмы.Ни кызганыч, андыйлар очрый.    Сезнеңчә, профессиональлек нәрсә ул: кешенең үзе булдыра ала торган, күңеленә ошаган эшне – яратып һәм чын күңелен биреп эшләве.   Хыялыгыз: ул хакта сөйләмиләр – чынга ашмаска мөмкин.   Тормыш максаты: бирешмәскә.    Тормышта иң зур уңышыгыз: яраткан эшем.  Күңелегезне төшергән иң зур нәрсә: аларга игътибар итмәскә тырышам.   Мавыгуларыгыз: классик музыка, әдәбияттан - Булгаков, Бунин.   Тормыш мәгънәсе: тереклек итәргә түгел, ә яшәргә.   Тормышның барлык очракларына да киңәшегез: оптимист булырга кирәк.  "Татарстан – Яңа Гасыр" тамашачыларына теләкләрем… игелек һәм тынычлык телим. Яратыгыз һәм яратылыгыз!