Назад к списку

Ахмадуллин Марсель Вазифагыз: "Тамчы-шоу" интеллектуаль күңел ачу тапшыруының һәм "Яңа Гасыр" радиосының хәбәрләр алып баручысы. Туган көнегез: 1984 елның 16нчы октябре, Казан. Балачакта кем булырга теләгән идегез: үсеп җитәргә хыялландым, супермен булырга да теләдем. Белемегез: Казан дәүләт университетының татар филологиясе һәм тарихы факультеты. Телевидениегә ничек эләктегез: очраклы рәвештә генә. Иң яратканыгыз: зәңгәр күк йөзе, шәфәкъ, ихласлык, күзләрдә чагылган мәхәббәт. Нәрсә ачуыгызны чыгара: ачуымны ачулы чакларым чыгара. Сезнеңчә, профессиональлек нәрсә ул: эшеңне кимчелексез, бөтен күңелеңне биреп башкару. Хыялыгыз: бөтен дөньяда тынычлык Тормыш максаты: тормышның ни икәнен, ниһаять, аңлау... Тормышта иң зур уңышыгыз: менә хәзер биредә булуым, сез минем анкетамны укыйсыз һәм... елмаясыз. ...Әйтәм бит - елмаясыз! :-) Күңелегезне төшергән иң зур нәрсә: Ел саен бүләкләрне Кыш Бабакай түгел, ә әнием салганны белгәч, күңелем шундый төшкән иде!.. Мавыгуларыгыз: велосипед, чаңгы, мунча, музыка. Тормыш мәгънәсе: яшәү – үзе мәгънә. Гаилә хәле: өйләнгән Тормышның барлык очракларына да киңәшегез: бар да уза:яхшысы да, начары да.Беренчесеннән дә, икенчесеннән дә тәм таба белергә кирәк. "Татарстан – Яңа Гасыр" тамашачыларына теләкләрем…  Сәламәт булыгыз. Исегездә тотыгыз:телевидениене сез ясыйсыз, шуңа күрә активрак булыгыз - шалтыратыгыз, хатлар языгыз. Дуслар! Әйдәгез, тату яшик!