Назад к списку

Дәүләтова Ләйлә Вазифагыз: "Адәм белән Һава" тапшыруы авторы һәм алып баручысы. Туган көнегез: 1978 елның 18нче апреле, Татарстанның Актаныш районы. Балачакта кем булырга теләгән идегез: җырчы. Белемегез: Казан дәүләт университетының журналистика һәм социология факультеты, Татарстан Фәннәр академиясенең аспирантурасы. Телевидениегә ничек эләктегез: КДУның II курсында укыган чакта бәйгедә катнашкан идем – җырладым. Анда мине ТВ режиссеры Дания Гаязова күреп алды һәм хәбәрче булып эшләп карарга тәкъдим итте. Мин аңа шундый рәхмәтлемен! Иң яратканыгыз: ирек! Нәрсә ачуыгызны чыгара: көнчелек. Сезнеңчә, профессиональлек нәрсә ул:  булдыра алган эш белән шөгыльләнү һәм аны күңелеңне биреп башкару. Тормыш максаты: куелган максатка ирешеп тә кеше булып калу. Тормышта иң зур уңышыгыз: бәхетле булып тууым. Күңелегезне төшергән иң зур нәрсә: яраткан һәм хөрмәт иткән кешеләрдән күңелем кайтты. Мавыгуларыгыз: туйлар алып барам. Тормыш мәгънәсе: бәхетле булырга һәм башкаларны да бәхетле итәргә. Тормышның барлык очракларына да киңәшегез: яшисең килеп яшә! "Татарстан – Яңа Гасыр" тамашачыларына теләкләрем... безнең каналны карагыз.