Назад к списку

Дусаева Ләйсән Вазифагыз: "Доброе утро!" тапшыруының алып баручысы Туган көнегез: елның иң озын төне – 22нче декабрь, Казан. Балачакта кем булырга теләгән идегез: актриса һәм журналист. Менә хыяллар тормышка ашты! Белемегез: театр училищесының кызыл дипломы, Казан дәүләт университетының журналистика һәм социология факультеты Телевидениегә ничек эләктегез: "Алып баручылар кирәк" дигән хәбәрне ишетеп кастингка килдем дә... Иң яратканыгыз: суык көндә әниемнең кайнар бәлешләре, улымның елмаюы, гитара җырлары, бәйрәмдә түгел, болай гына бүләк ителгән чәчәкләр. Нәрсә ачуыгызны чыгара: итагатьсезлек, битарафлык. Сезнеңчә, профессиональлек нәрсә ул: үз эшеңне теләсә кайсы шартларда, теләсә нинди вәзгыятьтә дә "5"легә башкару. Хыялыгыз: сер. Тормыш максаты:  һөнәремдә кирәкле булу. Эшемнән тәм табу, шул ук вакытта гаиләле булу: гаилә - ул минем өчен тыл. Тормышта иң зур уңышыгыз: миңа уңыш, гомумән, гел елмая. Күз тия күрмәсен! Күңелегезне төшергән иң зур нәрсә: ул хакта уйламаска тырышам. Мавыгуларыгыз: эшем. Тормышның барлык очракларына да киңәшегез: Елмаегыз, дөнья да сезгә елмаюы белән җавап кайтарыр. "Татарстан – Яңа Гасыр" тамашачыларына теләкләрем… Сәламәтлек, муллык һәм күңелле хәбәрләр телим!