Назад к списку

Файзрахманов Айдар Вазифагыз: "Җырлыйк әле! Караоке" тапшыруы алып баручысы. Туган көнегез: 1955 елның 30нчы гыйнвары, Татарстанның Арча районы Урта Бәрәзә авылы. Балачакта кем булырга теләгән идегез:җырчы Белемегез: Казан дәүләт педагогика институты (тәмамлау елы – 1976), Казан дәүләт консерваториясе (тәмамлау елы – 1981). Телевидениегә ничек эләктегез:"Җырлыйк әле! Караоке" тапшыруы авторы Нәҗип Бәдретдиновның чакыруы буенча. Иң яратканыгыз: тәртип һәм бар нәрсәдә дә - профессиональлек. Нәрсә ачуыгызны чыгара: җыйнаксызлык һәм ялкаулык. Сезнеңчә, профессиональлек нәрсә ул: мәдәнилек, мөнәсәбәт дәрәҗәсе, сыйфат, әзерлек, укымышлылык = нәтиҗә. Хыялыгыз: яшәргә - иҗат итәргә, иҗат итәргә - яшәргә. Тормыш максаты: яшәргә - картаймаска, кайгырмаска, үзеңә һәм үз кыйблаңа хезмәт итәргә. Тормышта иң зур уңышыгыз: әти-әниемнең миңа Аллаһ һәдиясен бүләк итүләре: музыкада яшәү һәм ярату. Күңелегезне төшергән иң зур нәрсә: вакытның җитмәве. Мавыгуларыгыз: фотография, спорт, бакча, авыл, аралашу. Тормыш мәгънәсе:хезмәтемнең җимешләрен татып карау, башкалар белән бергә һәм башкалар уңышына сөенә белү. Гаилә хәле: өйләнгән, ике балам бар. Тормышның барлык очракларына да киңәшегез: беркайчан да күңелне төшермәскә - бар да уза. "Татарстан – Яңа Гасыр" тамашачыларына теләкләрем… "Җырлыйк әле! Караоке" тапшыруын һәм мине күзәтеп барыгыз – кызык булачак!