Назад к списку

Фәрхуллин Радик Вазифагыз: "Новости Татарстана" тапшыруының баш редакторы һәм алып баручысы. Балачакта кем булырга теләгән идегез: укытучы, 1997 елда укытучы һөнәре буенча диплом алып, хыялым тормышка ашты. Белемегез: югары, Казан дәүләт педагогика университетының филология факультеты. Телевидениегә ничек эләктегез: конкурс "иләкләре" аша узып. Башта барысын да таң калдырган идем, аннан соң әлеге тәэсирләрне аклар өчен, бик тырышып эшләргә туры килде. Иң яратканыгыз: акыллы кешеләрне тыңлап утыру. Нәрсә ачуыгызны чыгара: профессиональсезлек. Сезнеңчә, профессиональлек нәрсә ул: кискен хәлләрдә тиешле хәрәкәт итү. Хыялыгыз: һөнәремдә үземне 100%ка тормышка ашырырга. Тормыш максаты: хыялымны чынга ашыру. Тормышта иң зур уңышыгыз: телевидениедә эшләвем. Күңелегезне төшергән иң зур нәрсә: үз гомеремдә андый хисләрне кичерергә туры килмәде. Алга таба да кичерергә язмасын! Мавыгуларыгыз: эш. Тормыш мәгънәсе: яшәү һәм тормыштан тәм табу. Тормышның барлык очракларына да киңәшегез: киңәшләр бирергә яратмыйм, бигрәк тә тормышның барлык очракларына да. Андый киңәшнең булуы мөмкин түгел. "Татарстан – Яңа Гасыр" тамашачыларына теләкләрем… уңышлар телим. Үзегезгә һәм тирә-яктагыларның мәхәббәтенә ышаныгыз!