Назад к списку

Фазлиева Лейсира Вазифагыз: "Нәсыйхәт", "Җомга вәгазе" тапшырулары редакторы. Туган көнегез: 1978 елның 19нчы июне. Балачакта кем булырга теләгән идегез: пешекче, балерина, фигуристка, гимнастка, илче, тәрҗемәче, ТВда алып баручы һ.б. алып баручысы. Кайсыдыр һөнәр иясе булу теләге профессиональ ярдәмгә мохтаҗ булган кешеләрне күргәндә туа иде. Әле һаман да табиб булырга хыялланам. Белемегез: Казан дәүләт университетының журналистика һәм социология факультеты. Телевидениегә ничек эләктегез: I курсны тәмамлаганнан соң дәүләт телевидениесенең хәбәрләр һәм иртәнге программаларына практика үтәргә килдем. Иң яратканыгыз: бүләкләр бирү. Сезнеңчә, профессиональлек нәрсә ул: талант+белем+тәҗрибә Хыялыгыз: балачакка кире кайту. Тормыш максаты: тату, бәхетле гаилә кору. Тормышта иң зур уңышыгыз: минем бу дөньяга килүем. Мавыгуларыгыз: табигать кочагында ял итү, китап уку, бәйләү (әлегә бу шөгылем бәйләү буенча журналларны карау белән генә чикләнә). Тормышның барлык очракларына да киңәшегез: Аллаһка ышан, һәм тормыш авыр хәлдә нәрсә эшләргә кирәклеген үзе әйтеп бирер. "Татарстан – Яңа Гасыр" тамашачыларына теләкләрем… Безнең каналда сезнең күңелгә хуш килердәй тапшырулар бик күп, шуңа күрә һәрчак "Татарстан - Яңа Гасыр" белән бергә булыгыз һәм муллыкта яшәгез!