Назад к списку

Гыйниятова Гөлназ Вазифагыз: "Татарстан хәбәрләре" тапшыруының алып баручысы. Туган көнегез: 1974 елның 22нче апреле, Татарстанның Минзәлә районы Балачакта кем булырга теләгән идегез: актриса, стюардесса. Белемегез: югары. Телевидениегә ничек эләктегез: чакырдылар һәм мин озак уйлап тормадым.   Иң яратканыгыз: яратырга! Тормыш белән ләззәтләнергә! Улларым – Айзат белән Аязның яңгыравык көлүләрен яратам – монысын сүз белән генә аңлатып булмый... Ачуыгызны нәрсә чыгара: тәртипсезлек, агрессивлык, пунктуаль булмау. Сезнеңчә, профессиональлек нәрсә ул: эшли белү.    Хыялыгыз: хыялланырга яратмыйм, мин һәрвакыт үз алдыма конкрет максатлар куям.   Тормыш максаты: һәр көнгә куанып яшәргә, үземә нәрсә кирәклеген белергә һәм аңа ышанырга, шул вакытта гына теләгәнеңә ирешеп була.  Иң зур уңышыгыз: бик яхшы кешегә кияүгә чыктым, малайлар таптым. Гаиләм – минем иң зур уңышым! Күңелегезне төшергән иң зур нәрсә: тьфү-тьфү, өметнең өзелгәне әле булмады. Ә вак-төяк? Алар һәрвакыт очрап тора... Канәгатьсезлекләр азапласа да яшәргә өйрәтәләр. Мавыгуларыгыз: тәмле ашлар әзерләү, биюләр... Тормыш мәгънәсе: оныкларым һәм балаларым минем белән горурланырлык итеп лаеклы яшәүдә Гаилә хәле: кияүдә, улларымның берсенә - сигез, икенчесенә - өч яшь.   Тормышның барлык очракларына да киңәшегез: кайгырмаска! Проблемалар кайгырып хәсрәтләнер өчен түгел, ә аларны чишәр өчен бирелә! "Татарстан - Яңа Гасыр" тамашачыларына теләгем… үз-үзең белән гармониядә яшәү, мәхәббәт, иминлек, күңел тынычлыгы һәм, әлбәттә, нык сәламәтлек!