Рахматуллина Гульназ

Вазифагыз: "Хәерле иртә!" тапшыруының алып баручысы.

Туган көне,  елы:  1975нче елның 27 июле

Балачакта кем булырга теләгән идегез:  кем генә булырга хыялланмадым – тылсымчы, балалар табибы, диктор, укытучы, хисапчы һ.б.

Белемегез: Казан дәүләт университетының механика-математика факультеты

Телевидениегә ничек эләктегез:  2000 елда конкурс аша үтеп “Хәбәрләр” тапшыруына алып баручы булып килдем.

Иң яратканыгыз: Кызларымның бәхетле елмаюын күрү – минем өчен иң зур шатлык. Манты пешереп гаиләмне, якын дусларымны сыйларга, табигатьтә ял итәргә яратам.

Нәрсә ачуыгызны чыгара:  дорфалык, гаделсезлек, ялган.

Сезнеңчә, профессиональлек нәрсә ул:  белем, тәҗрибә һәм эчке тоемлау.  

Хыялыгыз:  Балалар һәм әти-әниләр өчен тапшыру эшләү. Дөньяның иң матур илләренә сәяхәткә барасым килә. Ел буе кояшлы җәй булган диңгез ярында йортың булса да шәптер. 

Тормыш максаты: Балаларга яхшы тәрбия бирү. Әти-әнинең өметләрен аклау. Яшәүдән һәм эштән тәм табу.

Тормышта иң зур уңышыгыз: Минем гаиләм.

Күңелегезне төшергән иң зур нәрсә:  бер дә исемә төшми, ачу-үпкәләрне күңелдә озак сакламаска тырышам. Студент чакта спорт, җыр-бию белән шөгыльләнмәгәнемә, башлаган фәнни эшемнән баш тартканыма гына үкенәм. 

Мавыгуларыгыз: тегәргә, китаплар укырга, кроссвордлар чишәргә, машина йөртергә яратам.

Тормыш мәгънәсе: шул мәгънәне эзләүдәдер инде аның асылы    

Гаилә хәле: кияүдә, Энҗе һәм Алисә исемле ике кыз үстерәбез.

Тормышның барлык очракларына да киңәшегез: барысы да яхшы булачагына һәм үз көчеңә ышанырга, төшенкелеккә бирелмәскә!

Татарстан – Яңа Гасыр"тамашачыларына теләкләрем... сәламәтлек, бәхет һәм тынычлык. Безнең телеканал сезне һәрвакыт әйбәт һәм кызыклы тапшырулар белән сөендерсен!