Назад к списку

Степанова Михаил Вазифагыз: "Новости Татарстана" тапшыруында спорт хәбәрләрен алып баручы. Туган көнегез: 1977 елның 23нче августы, Казан. Балачакта кем булырга теләгән идегез: теләкләр бихисап күп иде. Белемегез: Казан дәүләт университетының тарих факультеты. Телевидениегә ничек эләктегез: спортка булган эчкерсез мәхәббәтем ярдәме белән, кирәкле вакытта кирәкле урында булдым. Иң яратканыгыз: сәяхәт итү (комфорт белән). Нәрсә ачуыгызны чыгара: пунктуальсезлек, Казанның кайбер машина йөртүчеләрнең үз-үзләрен тотышлары, безнең юлларның торышы. Сезнеңчә, профессиональлек нәрсә ул: һәрбер кешенең үз эше белән мәшгуль булуы, җаваплылык. Хыялыгыз: Россия җыелма командасының футбол буенча дөнья чемпионы булуы, һәм анда минем дә катнашуым. Тормыш максаты: тормышны заяга узган еллар өчен үкенмәслек итеп яшәү... Классиклар шулай диләр бугай?.. Тормышта иң зур уңышыгыз: алда дип уйлыйм. Күңелегезне төшергән иң зур нәрсә: 1999 елның көзендә Андрей Шевченконың Россия капкасына керткән голы. Мавыгуларыгыз: кәефемнән тора. Тормыш мәгънәсе: нигә шундый авыр сораулар бирәсез? Кешелекнең иң акыллы башлары әле һаман да эзләнүдә. Тормышның барлык очракларына да киңәшегез: киңәш бирмәгез, моны әйткәннәре бар бугай инде?  "Татарстан – Яңа Гасыр" тамашачыларына теләкләрем… безнең каналда калыгыз. Бергә булсак, җиңәчәкбез! УРА, иптәшләр, ханымнар һәм әфәнделәр!