Назад к списку

Звонарёва Светлана Вазифагыз: "Новости Татарстана" тапшыруының алып баручысы. Туган көнегез: 1972 елның 10нчы июле, Лениногорск. Балачакта кем булырга теләгән идегез:актриса. Белемегез:югары Телевидениегә ничек эләктегез: телекомпанияләрнең берсенә реклама менеджеры булып урнашкан идем – нәтиҗәдә яңалыклар алып баручысы итеп алдылар.  Иң яратканыгыз: әнием һәм улым. Юмор хисе булган кешеләр, яхшы парфюм. Нәрсә ачуыгызны чыгара: икейөзлелек. Сезнеңчә, профессиональлек нәрсә ул: эштә зур файда китерү, һәм хезмәттәшләреңнең сиңа тигезләнүе. Хыялыгыз: Океан яки диңгез яры буендагы җылы илдә яшәргә хыялланам. Салкынга түзә алмыйм. Тормыш максаты:улымны Кеше итеп үстерү. Җитешле булу. Тормышта иң зур уңышыгыз: телевидениегә эләгүем. Күңелегезне төшергән иң зур нәрсә: Күңелемне төшергән бөтен күренешләрне: "Нәрсә генә эшләнмәсен – барысы да яхшыга!" дигән девиз белән үткәреп җибәрәм. Мавыгуларыгыз: җырларга яратам (яхшы килеп чыга да), автомобильдә җилдерү ошый, бассейнга йөрим. Тормыш мәгънәсе: мәхәббәт. Гаилә хәле: кияүдә түгел. Тормышның барлык очракларына да киңәшегез: тормыш бер генә, ул шуның белән искиткеч. Кадерен белегез. Бәхетле буласыгыз киләме – булыгыз! Барысы да үз кулыгызда! "Татарстан – Яңа Гасыр" тамашачыларына теләкләрем… күбрәк яхшы тойгылар!