Казанга Россия Оборона министрлыгының агитация поезды килде

Кичә Казанга Россия Оборона министрлыгының агитация поезды килде. Ул "Дөреслектә көч" акциясе барышында хәрәкәт итә, илнең 75 шәһәрендә булачак.

Һәрбер вагон һава, коры җир, диңгез флоты хәрби гаскәрләренә багышлап җиһазландырылган. Монда Бөек Ватан сугышы вакытындагы һәм хәзерге Россия армиясендә куллана торган корал, техника урын алган.

СВО зонасында кулга төшерелгән чит илнекеләре дә бар. "Халыкка андагы хакыйкатьне күрсәтергә телибез" ,-ди оештыручылар. Әлеге акция Бөек Җиңүнең 79 еллыгына багышлана.