Язгы чакырылыш вакытында Казаннан 20 егетне армиягә озаттылар

Илдә язгы чакырылыш бара. Кичә Казаннан 20 егетне армиягә озаттылар. Алар - Татарстанда язын хәрби хезмәткә китүчеләрнең әле беренче төркеме.

Мәскәү хәрби округының Коры җир гаскәрләрендә хезмәт итәчәкләр. Гомумән алганда, июль уртасына кадәр Республикадан 3 меңгә якын егет армиягә алына. Шуның өчтән бере - Татарстан шефлыгындагы хәрби частьләргә юл тотарга тиеш. Солдатларны хезмәткә Рүзәл Шәрипов озатты.