Иртәгә Татарстанда кырау төшәчәк

Иртәгә, 26 сентябрьдә, Татарстанда кыска һәм уртача вакытлы яңгырлар көтелә. Җил тизлеге 15 м/с кадәр арта. 

Татарстанның гидрометеорология идарәсе синоптиклары алдагы төндә республикада һава температурасы +0..+5 градуска кадәр җитәчәк дип саный. Урыны белән һавада һәм туфракта 0 дән -2 градуска кадәр кырау да булырга мөмкин. Көндез +8..+13 градуска кадәр җылытачак.

Казанда төнлә температура +3..+5 градуска җитәчәк. Көндез һава +10..+12 градуска кадәр күтәрелә.

Фото: freepik.com