Татарстанда -8 градуска кадәр суыта

Иртәгә, 30 сентябрьдә, Татарстанда сизелерлек явым-төшемнәрсез көн көтелә. Җил тизлеге 6-11 м/с кадәр арта. 

Татарстанның гидрометеорология идарәсе синоптиклары алдагы төндә республикада һава температурасы 0..-5 градуска кадәр җитәчәк дип саный. Урыны белән һавада һәм туфракта - 8 градуска кадәр кырау да булырга мөмкин. Көндез +8..+13 градуска кадәр җылытачак.

Казанда төнлә температура 0..-2 градуска җитәчәк. Түбән урыннарда -4 градуска кадәр суыта. Көндез һава +10..+12 градуска кадәр күтәрелә.

Фото: ТНВ