Татарстанда җәйгә хас эссе һава торышы кайчанга кадәр сакланачак?

Татарстанда җәйгә хас эссе һава торышы дәвам итә. Якын көннәрдә һава шартларында сизелерлек үзгәрешләр көтелми, дип хәбәр итә ТР Гидрометеорология үзәге.

Чәршәмбе, 10 июньдә, республикада кыска вакытлы яңгырлар һәм яшеннәр көтелә. Төнлә һава температурасы +7…+12 градуска кадәр төшәчәк. Көндез термометр баганалары +23…+28 градус күрсәтәчәк. Иртән кайбер районнарда томан булуы мөмкин.

Пәнҗешәмбе, 11 июньдә, урыны белән бераз яңгыр явачак. Төнлә температура +9…+14 градус чамасында булачак. Көндез һава +22…+27 градуска кадәр җылыначак.

Җомга, 12 июньдә, синоптиклар зур үзгәрешләр көтми. Алмашынучан болытлылык фаразлана, урыны белән яңгырлар явуы мөмкин. Төнлә температура +11…+16 градус, ә көндез +23…+28 градус булачак.

Фото: TNV.RU