Танылган журналист Владимир Жигульский вафат

Чаллыда 72 яшендә танылган журналист, Татарстан Журналистлар берлеге әгъзасы Владимир Жигульский вафат булган. Бу хакта "Челнинские известия" басмасы хәбәр итә.

Жигульский Яр Чаллы шәһәренә 1974 елда күченә. Журналистлык карьерасын «Рабочий КамАЗ» газетасында башлый. Гади хәбәрче булып эшли башлаган егет баш мөхәррир урынбасарына үсеп җитә. Шулай ук ун ел дәвамында «Республика Татарстан» газетасының үз хәбәрчесе булып эшли.

ТНВ коллективы Жигульский туганнары һәм якыннары кайгысын уртаклаша.

Фото: chelny-izvest.ru