Казанга теннисчы Вероника Кудермәтова Уимблдон турниры Кубогын алып кайтты

Тапшыруны Татарстан спорты өчен күренекле вакыйгадан башлыйк! Бүген Казанга теннисчы Вероника Кудермәтова Уимблдон турниры Кубогын алып кайтты.

Казан кызы республика тарихында бер тапкыр да күрелмәгән, Россия спортында 8 ел көтелгән җиңүне парлы ярышта яулады. Ул - атказанган спорт мастеры, Казанның теннис мәктәбен узган, Россия дәрәҗәсендәге турнирларда чыныккан спортчы.

Зур шлем турнирында тәүге җиңүе! Казан аэропортында аны каршы алучылар арасында хәбәрчебез Инзилә Хөсәенова да бар иде.