Татарстанда туристлар өчен яңа маршрут ачылды

Татарстанда туристлар өчен яңа маршрут ачылды. Ретро паровозга утырып, Зөя станциясенә барырга була.

Әлеге поезд безгә Түбән Новгородтан кайтарылган. Әлегә аны сынап карыйлар. Әгәр мондый экскурсияләр халыкка ошый икән, киләчәктә аны даими оештырырга ниятлиләр.

Ул 1953нче елда чыгарылган. Баштарак «Җиңү» дип йөртелә, соңрак аны паровозны уйлап табучы, совет инженеры Лев Лебедянский хөрмәтенә атыйлар. Халык телендәге исеме — «лебедянка».