Татарстанда эш атнасы азагында кар явачак һәм -15 градуска кадәр суытачак

Җомга, 3 февральдә,Татарстан җирлегендә кар яву көтелә. Бу хакта ТР Гидрометеорология үзәге хәбәр итә.

Синоптиклар төнлә республикада -7..-12 градуска кадәр суытачак, кайбер районнарда -15 градуска кадәр суык булыр дип фаразлый. Көндез -2..-7 градуска кадәр җылытачак.

Казанда төнлә термометр баганалары -9..-11 градус билгесенә төшәчәк. Көндез һава -4..-6 градуска кадәр җылыначак. Юлларда бозлавык, игътибарлы йөрегез.

Фото: 24warez.ru