Аксубайда Советлар Союзы Герое истәлегенә мемориаль такта ачтылар

Аксубай районының Кәкре Күл авылы өчен — истәлекле көн. Монда якташлары, Советлар Союзы Герое — Григорий Романов истәлегенә мемориаль такта ачтылар.

Тантанага Россиянең яшь Герое, «Алёша» танкы экипажы командиры Рәсим Баксиков та кайткан иде. Төрле чорда яшәсәләр дә, ике каһарманның тормыш юлы охшаш. Икесе дә гап-гади гаиләдә туып-үскән, икесе дә яу кырында батырлык кылган.