Татарстанда сабыйларга нинди исемнәр кушканнар? Мишэль, Ия, Лукерья, Илсылу, Изадора һәм Николь

Узган атнада, 18 сентябрьдән 24 сентябрьгә кадәр, Гражданлык хәле актларын теркәү идарәсенең Казан бүлекләрендә 357 бала — 185 малай һәм 172 кыз тууы теркәлгән. Шул ук вакыт аралыгында 377 пар үзләренең никахларын рәсмиләштергән, дип хәбәр итә Казан мэриясе матбугат хезмәте.

Иң кечкенә сабый 2880 грамм авырлыкта туган, ә иң зурысы 4880 грамм тәшкил иткән.

Атнаның иң популяр исемнәр арасында Артем, Әмир, Кәрим, Роман, Марк, Миран, Самат, Ева, Камилә, София, Мәрьям, Асель, Милана һәм Элана булган, ә иң сирәк исемнәр — Ефрем, Яромир, Иосиф, Рамир, Гавриил, Владислав, Лукьян, Алихан, Мишэль, Ия, Лукерья, Ирада, Илсылу, Нәзирә, Изадора, Аглая, Пелагея, Каролина һәм Николь.

Фото: pixabay