Хәрби хезмәткә китүчеләргә түләнә торган сумма миллион ярым сумга кадәр арттырылды

Татарстанда контракт төзеп, хәрби хезмәткә китүчеләргә түләнә торган сумма июль башында миллион ярым сумга кадәр арттырылды. Сүз бер тапкыр бирелә торган акча турында бара.

Бу - Россиядә түләнә торган иң зур сумма. Бүген аны алу тәртибен Казанның "Батыр" дип аталган контракт үзәгендә журналистларга аңлаттылар. Төп таләп - контрактны быелның 31нче июленә кадәр төзергә кирәк.

Исегезгә төшерәбез, Казанда Оборона министрлыгы белән документны бер тәүлек эчендә имзаларга мөмкин. Хәзер СВО зонасында табиблар, пилотсыз очу аппаратлары белән идарә итүчеләр, машина йөртүче, артиллериячеләр кирәк. Килешү төзү тәртибе белән Рүзәл Шәрипов танышып кайтты.

15 июль “ТНВ-Татарстан” һәм “ТНВ-Планета” телеканалларында 12 сәгатьлек “Җиңү армиясенә кушыл!” телемарафоны узачак. Туры эфир 08:00 сәгатьтә башланачак һәм 20:00 сәгатькә кадәр дәвам итәчәк. Эфир дәвамында дистәләгән кунак контракт хезмәтенең өстенлекләре турында сөйләячәк.