Гидрометеорология һава торышы начарлану турында кисүтү игълан итте

Гидрометеорология һәм әйләнә-тирә мохит мониторингы идарәсе белгечләре һава торышы турында чираттагы кисәтү тараттылар.

Синоптиклар хәбәр иткәнчә, бүген кич, шулай ук 13 июльнең шимбә төнендә һәм көндез көчле төньяк җиле хакимлек итәчәк.

Һава агымнары тизлеге 15-18 м/с җитәр дип көтелә, Казанда җил тизлеге 15 м/с кадәр көчәйер дип көтелә. Моннан тыш, республиканың көнчыгыш районнарында яшен көтелә.

Фото: TNV.RU