Әлмәт башкарма комитеты: барлык ашыгыч һәм оператив хезмәтләр әзерлек режимында

Әлмәт сәнәгать зонасында куркынычсызлыкны тәэмин итү максатларында террорчылыктан саклану чаралары үткәрелә. Бу хакта шәһәр Башкарма комитетында хәбәр иттеләр.

"Барлык ашыгыч һәм оператив хезмәтләр әзерлек режимында", - диелә хәбәрдә.

Элегрәк гадәттән тыш хәлләр министрлыгы БПЛА һөҗүме куркынычы турында икенче кисәтү тараткан иде.

Фото: vk.com/pressalmet