Монда бит балалар уйный, бал кортлары оча: Теләче районы Сауш авылы халкы йортлары янында элемтә каланчасы урнаштыруга каршы

Безнең редакциягә Теләче районы Сауш авылы халкы мөрәҗәгать итте. Йортлары янында элемтә каланчасы урнаштырмакчылар. Ул өйләргә бик якын урнашкан, шуңа сәламәтлеккә зыян килергә мөмкин, дип уйлыйлар. 

Район Хакимиятендә әйтүләренчә, 4 авылда мондый каланчалар урнаштырылган инде. Тагын 1сендә генә эш калып бара. Барысы - федераль программа нигезендә башкарыла, диләр. Халыкка борчылырга сәбәп бармы? Мәсьәләгә Алия Сабирова ачыклык кертергә тырышты.