Татар сүзе - чиксез! Казанда узачак гала-концерттан нинди яңалыклар көтәргә?

Елның төп мәдәни вакыйгасы - «Татар сүзе» халыкара нәфис сүз телевизион конкурсының гала-концертына кадәр ике көн вакыт калды. Финалистлар инде билгеле - алар чыгышларына әзерләнә, костюм-декорацияләрне барлый, репетицияләрдә катнаша. Конкурсның юбилей концерты - Татар дәүләт филармониясе сәхнәсендә куелачак. 

Ул Марат Әхмәтов җитәкчелегендәге туган телләрне саклау комиссиясе ярдәме белән «Яңа Гасыр» телерадиокомпаниясе тарафыннан инде 5нче тапкыр оештырыла. Быел тамашачыларны нинди бәйрәм программасы белән шаккатырмакчылар? Җиңүчеләрне нинди бүләкләр көтә? Инзилә Хөсәенова белеп кайтты.