Казанда мошенниклар 77 яшьлек пенсионерны 11,5 миллион сумга алдаган

Казанда 77 яшьлек пенсионер мошенниклар корбаны булган. Өлкән яшьтәге хатын-кыз 2 млн сум күләмендә җыелган акчасын һәм фатирын югалткан, дип хәбәр итә Татарстан буенча Эчке эшләр министрлыгы матбугат хезмәте.

Мошенниклар домофонны алыштырырга кирәк дип шалтыраталар. Зыян күрүче СМС-хәбәрдә килгән кодны хәбәр итте.

Соңыннан хатын-кызга җинаятьчеләрдән шалтыратулар килә башлый, алар үзләрен рәсми ведомстволар хезмәткәрләре дип таныштыралар.

Акчаларны «саклау» сылтавы белән алар курьерга 2 млн сум акча бирергә күндерәләр.

Аннары аферистлар өлкән яшьтәге хатын-кызны үз фатирын сатарга һәм аларга 9,5 млн сум акча бирергә күндергән. Нәтиҗәдә зыян суммасы, торак бәясен дә кертеп, 11,5 млн сум тәшкил иткән.

Фото: freepik.com