"Ай булмаса, йолдыз бар": яңа татарча сериалны төшерү мизгелләре

Хәзерге вакытта "Ай булмаса, йолдыз бар" дип аталган яңа татарча сериал төшерелә. Ул Туфан Миңнуллин әсәренә нигезләнә. 

Сериалны Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәмендә “Татарстан - Яңа Гасыр” каналы белән берлектә  “Ватан 21 гасыр” кинокомпаниясе төшерә. Проект Туфан Миңнуллинның тууына 90 ел тулуга багышлана.

“Ай булмаса, йолдыз бар” сериалы режиссеры булып ТНВ каналы тамашачысына “Кеше китә – җыры кала” сериалы аша яхшы таныш булган Александр Далматов сайланды. Сценарий авторлары - режиссер үзе һәм Алсу Хәбибуллина.

Сезнең игътибарга төшерү мизгелләрен күрсәтәбез.