23 апрельдә эсселек бераз чигенәчәк

Иртәгә, 23 апрельдә, Татарстанда төнлә урыны белән кыска вакытлы яшенле яңгырлар көтелә. Җил тизлеге 15-20 м/с кадәр арта. 

Татарстанның гидрометеорология идарәсе синоптиклары алдагы төндә республикада һава температурасы +5..+10 градуска кадәр җитәчәк дип саный. Көндез +14..+19 градуска кадәр җылытачак.

Казанда төнлә температура +7..+9 градуска җитәчәк. Көндез һава +17..+19 градуска кадәр күтәрелә.

Фото: ТНВ