Иртәгә Татарстанда яшен, яңгыр һәм +8 градуска кадәр суык көтелә

Иртәгә, 6 майда, Татарстанда урыны белән яңгыр явачак, кайбер районнарда яшен. Җил тизлеге 15-18 м/с кадәр арта. 

Татарстанның гидрометеорология идарәсе синоптиклары алдагы төндә республикада һава температурасы +8..+13 градуска кадәр җитәчәк дип саный. Көндез +15..+20 градуска кадәр җылытачак.

Казанда төнлә температура +9..+11 градуска җитәчәк. Көндез һава +15..+17 градуска кадәр күтәрелә.

Фото: ТНВ