Иртәгә Татарстанда яңгыр, яшен һәм боз көтелә

Иртәгә, 21 майда, Татарстанда төнлә һәм иртән томан фаразлана. Көндез кыска вакытлы, урыны белән көчле яңгырлар явачак. Кайбер районнарда яшен һәм боз. Җил тизлеге 23 м/с кадәр арта. 

Татарстанның гидрометеорология идарәсе синоптиклары алдагы төндә республикада һава температурасы +6..+11 градуска кадәр җитәчәк дип саный. Көндез +15..+20 градуска кадәр җылытачак.

Казанда төнлә температура +9..+11 градуска җитәчәк. Көндез һава +18..+20 градуска кадәр күтәрелә.

Фото: ТНВ, Ралинә Галиева