29 июльдә Татарстанда +29 градус эссе көтелә

Иртәгә, 29 июльдә, Татарстанда алмашынучан болытлы көн булачак, сизелерлек явым-төшемнәр көтелми. Җил тизлеге 14 м/с кадәр арта. 

Татарстанның гидрометеорология идарәсе синоптиклары алдагы төндә республикада һава температурасы +11..+16 градуска кадәр җитәчәк дип саный. Көндез +24..+29 градуска кадәр җылытачак.

Казанда төнлә температура +14..+16 градуска җитәчәк. Көндез һава +26..+28 градуска кадәр күтәрелә.

Фото: ТНВ