Узган тәүлектә Казан урамнарыннан 30 мең тоннага якын кар чыгарганнар

Узган тәүлектә Казан урамнарындагы карны 1035 берәмлек махсус техника һәм 659 юл эшчесе җыештырган. Шушы вакыт эчендә шәһәрдән 29,3 мең тонна кар чыгарылган. Бу хакта шәһәр мэриясе матбугат хезмәте хәбәр итә.

Юлларны эшкәртү өчен бозлавыкка каршы 150 тонна материал: 9 тонна реагент һәм 141 тонна ком-тоз катнашмасы сибелгән.

Кыш башыннан барлыгы 685 мең тоннага якын кар чыгарылган, бозлавыкка каршы 45,6 мең тонна материал тотылган.

Фото: сгенерировано ИИ