Иртәгә Татарстанда томан көтелә

Алдагы тәүлектә Татарстанда һава шартлары начараюы ихтимал. Бу хакта ТР Гидрометүзәге белгечләре кисәтә.

Ведомство мәгълүматларына караганда, 24 мартка каршы төндә һәм иртән республика территориясендә урыны белән томан төшәргә мөмкин.

Йөртүчеләрдән аеруча игътибарлы булу сорала: тизлекне киметергә, дистанция сакларга һәм кискен алымнардан тыелырга кирәк. Җәяүлеләргә дә юл аша чыкканда сак булырга киңәш ителә.

Фото: Сгенерировано ИИ