Мөслим районында Бөтенроссия каз өмәсе гөрләде

Мөслим районында Бөтенроссия каз өмәсе гөрләде. Халкыбызның әлеге борынгы йоласы Бөтендөнья татар конгрессы һәм район җитәкчелеге белән берлектә 3нче ел оештырыла.

Быел фестивальгә Новосибирск, Омск, Свердловск, Пенза, Оренбург, Киров өлкәләре, Башкортстан, Удмуртия республикаларыннан да кунаклар килде.

Мөслим районы - каз асраучылар буенча республикада алдынгылар рәтендә. Биредә әлеге йорт кошларын гади халык та, фермерлар да күпләп асрый. Бүгенге каз өмәсендә кунаклар белән бергә хәбәрчеләребез дә катнашты.