Әлмәт районында сыерда котыру авыруы барлыгы ачыклана, карантин кертелгән

Әлмәт районың "Кичүчат" фермасындагы сыерда котыру авыруы барлыгы ачыклана. Хәзер монда Татарстан Рәисе указы нигезендә карантин кертелгән.

Ул фермадан 2 чакрым араны колачлый. Монда мал-туарны сату һәм алу тыела, терлекләр янына чит кешеләргә керергә ярамый.

Карантин, зарарлы хайванны юк итеп 2 ай вакыт узгач тәмамланчак. Соңгы ике ел ярымда Республикада котыру авыруы очраклары теркәлгәне юк иде.

Бүген "Татарстан хәбәрләре"ндә карагыз.