Соңгы ике атнада Татарстанда 3 урында бруцеллез чире ачыклана

Соңгы ике атнада Татарстанда 3 урында бруцеллез чире ачыклана. Июнь башында аны Балык Бистәсендә тапканнар иде, бүген Балтач районында расланды. Дәвалап булмый торган авыруны Насыйров дигән фермерның хуҗалыгында - сарыкларда ачыклыйлар. 

Монда Республиканың ветеринария идарәсе белгечләре килде. Алган анализларны тикшерүне дәвам итәләр. Шулай ук районда хуҗалык җитәкчеләре белән утырыш узды. Төп максат - халык белән сөйләшеп, кулдан терлек алуны киметү. Эш шунда ки, әлеге фермер сарыкларны белмәгән кешеләрдән алган, ветеринарларга күрсәтмәгән, карантинда тотмаган.