Арча районында узган "Ат көне" 10 меңнән артык кунакны җыйган

Арча районында узган Ат көне 10 меңнән артык кунакны җыйган. Бәйрәм быел 10нчы тапкыр - колачлы итеп уздырылды.

Токымлы атлар күргәзмәсе, Аударыш уены, милли көрәш һәм чабышкылар ярышы - тамашачылар өчен бай программа әзерләнгән иде. Яңа Кырлай авылына илнең 11 төбәгеннән җайдаклар җыелды. Шулай ук иң матур итеп бизәлгән арба хуҗасын ачыкладылар.

Ат көне - милли гореф-гадәтләргә хөрмәт һәм бу хайваннарга игътибарның матур үрнәге, ди оештыручылар. Иң кызыклы мизгелләр Алия Сабирова репортажында.