Татарстанның яңа җыеп алынган уңышын кайсы илләргә җибәрәләр?

Татарстанның яңа җыеп алынган уңышын чит илләргә җибәрә башладылар. Алексеевскидагы элеватордан ашлык төялгән судно Иранга юл алды. 2 мең тонна арпа озатыла.

Ел башыннан 116 мең тонна үсемлекчелек продукциясе башка дәүләтләргә сатылган. Беларусь Республикасы, Азәрбайҗан, Грузия, Казахстан, Монголия, Кытай , Төркия - барлыгы 13 илгә җибәрелә. 

Бөртеклеләрнең сыйфатын Россельхознадзор белгечләре тикшерә.