Казанда 13 сентябрьдән гадәти көзге авыл хуҗалыгы ярминкәләре эшли башлый

Казанда 13 сентябрьдә, гадәттәгечә, көзге авыл хуҗалыгы ярминкәләре башлана, аларда яшелчә, ит, сөт продукциясе тәкъдим ителәчәк, дип хәбәр итә мэрия матбугат хезмәте.

Килүчеләрне һәр шимбә 6:00 дан 13:00 кә кадәр көтәчәкләр. 

Узган елдагы кебек үк авыл хуҗалыгы ярминкәләрендә бәяләр ваклап сату бәяләреннән түбәнрәк булачак, якынча 10–15% ка. Сәүдә атна саен шимбә көннәрендә ундүрт һәм якшәмбе көнне бер мәйданчыкта оештырылачак. 

Барлык мәйданчыкларда да ветеринария-санитария таләпләренең үтәлешен тикшерәчәкләр һәм юл хәрәкәте иминлеген тәэмин итәчәкләр. Ярминкәләр декабрь ахырына кадәр дәвам итәчәк.

Фото: скриншот ТНВ