Казанда авыл хуҗалыгы ярминкәләрендә 303,4 миллион сумлык азык-төлек сатылган

Казанда уздырылган авыл хуҗалыгы ярминкәләрендә сентябрь һәм октябрь айларында 303,4 миллион сумлык продукция сатылган. 

Сентябрь-октябрь айларында 14 мәйданчыкта җиде ярминкә уздырылган. Халык 280,9 тонна яшелчә, 113,7 тонна ит һәм 221,6 тонна бәрәңге сатып алган. Ярминкәләрдә халыкка сөт ризыклары, ярдәмче хуҗалык өчен кирәкле әйберләр һәм башка товарлар тәкъдим ителгән.

Ярминкәләрдә республиканың 22 районы һәм агросәнәгать комплексының 24 оешмасы үз продукциясен саткан. Мәйданчыкларда белгечләр тарафыннан ветеринария-санитария таләпләренең үтәлеше даими рәвештә тикшерелеп торган, дип язылган шәһәр мэриясе сайтында. 

Фото: ТНВ