Уразада теш чистартырга ярыймы?

Рамазан ае алдыннан ТНВ каналында чыгучы "Сөйләшергә вакыт" тапшыруына кунакка "Гаилә" мәчете иман-хатыйбы Рөстәм хәзрәт Хәйруллин булды. Лилия Кадыйрова кунагыбызга тамашачыларны кызыксындырган сорауларга җавап эзләде. Без Рамазан аенда теш чистарту темасына да тукталып киттек.

"Пәйгамбәребез үткәндә аның янында тәмле ис булган дип әйтәләр. Ул Уразада да мисвак белән теш чистарткан. Галимнәребез аны чистартырга ярый, йотмаска кирәк дип әйтә. Паста тәмен йотабыз икән - Ураза бозыла", - дип сөйләде хәзрәт.