Казанда малайлар арасында Коръәнне яттан уку бәйгесе үтте

Рамазан ае алдыннан Казанда балалар арасында Коръәнне яттан белүчеләрне ачыклыйлар. Ялларда «Рауза» мәчетендә малайлар арасында бәйге үтте.

Монда Совет районы гыйбадәтханәләренә йөрүчеләр җыелды. Коръәнне алар дин сабаклары дәресләрендә һәм әти-әниләре белән өйрәнә. Оештыручылар әйтүенчә, Татарстанда хәзер Корьән хафизлар аз. Мондый конкурслар - киләчәктә тәҗрибәле татар хәзрәтләре, дин белгечләре, галимнәр һәм имамнар тәрбияләргә ярдәм итәр.