Әхлаклы мода фестивале: милли кием заманга ничек яраклаша? #KazanForum

KazanForumның иң матур вакыйгаларының берсе - әхлаклы мода фестивале. 

Анда дөньяның 6 иленнән һәм Россиянең 8 төбәгеннән килгән модельерлар үз коллекциясен тәкъдим итте. Барлык киемнәр ислам дине кануннары буенча тегелгән. Шул ук вакытта, гасырлар буе сакланып килгән кагыйдәләр белән генә чикләнеп калмаучылар бар. Әлеге мода фестивале - ул кием аша кешенең рухи дөньясын баету. 

Аны оештыручылар матди якны да күздә тоткан. "Хатыннары аша Татарстанга чит ил миллионерларын - инвесторларны җәлеп итәргә теләдек" диләр. Барысы турында тулырак - Айсылу Гыйлмеханова.