Диния Нәзарәте Татарстанда Корбан бәйрәмен уздыру вакытын билгеләде

Татарстан мөфтияте 2025 елда Корбан бәйрәмен һәм гает намазын үткәрү тәртипләрен раслады.

Гарәфә көне итеп 5 июнь билгеләнде, Корбан гаетенең беренче көне 6 июньгә туры килә. Бу көнне Татарстан мәчетләрендә җәмәгать белән бәйрәм намазлары үтәчәк.

Башкала мәчетләрендә Корбан гаете түбәндәге тәртиптә үтәчәк:

2.00-3.00 – Коръән уку;

3.00-3.30 – гает вәгазе уку;

3.30 – гает намазы;

3.40 – хөтбә, Коръән укып дога кылу.

Гает намазы укылганнан соң махсус билгеләнгән урыннарда корбан чалу башланачак һәм ул 8 июнь көнне кояш баеганчы дәвам итәчәк. Корбан нисабы күләме – 53 мең сум.

Фото: ТНВ