Бөтен дөньядан җыелган дин әһелләре һәм җәмәгать эшлеклеләре изге Болгарга сәфәр кылды

Бүген бөтен дөньядан җыелган дин әһелләре һәм җәмәгать эшлеклеләре изге Болгарга сәфәр кылды. Очрашуны Россия мөселманнары Үзәк Диния нәзарәте рәисе Тәлгать хәзрәт Таҗетдиннең баш мөфти итеп сайлануына 45 ел уңаеннан оештырганнар. 

Ул Изге Болгар җыенына башлангыч биреп, төрле илләрдә яшәүче дин кардәшләребезгә ислам дине кабул ителгән урынга юл ачкан кеше. Болгарны торгызу, Ислам академиясен төзүгә керткән өлеше зур. 80нче елларда ул идарә итә башлаган вакыттан алып, Россия буенча меңәгән мәчет ачылган, шәкертләр Бохарага укырга җибәрелгән.