Бер баланы мәктәпкә җыендыру өчен күпме акча кирәк?

Уку елы башланырга бер айдан азрак вакыт калып бара. Әти-әниләр укучы балаларын мәктәпкә барырга әзерли башлады инде. Сатучылар быелгы бәяләрнең узган елгыдан шактый аерылуын әйтә.

Бүген кызлар мәктәп формасының иң очсыз дигәне 3 мең тирәсе торса, ир балалар өчен костюм чалбарлар 10 меңгә кадәр җитә диләр. Ательеларда хәзер урак өсте, алар мәктәпләр өчен форма тегә, 1 сентябрьгә өлгертер өчен тырышалар.

Быел баланы мәктәпкә әзерләү күпмегә төшкәнен Фәйрүзә Мәҗитова исәпләп карады.