Бер татар гимназиясе дә булмаган Менделевск шәһәрендә "Мирас" дип аталган яңа уку йорты ачылды

Бер татар гимназиясе дә булмаган Менделевск шәһәрендә яшәүче милләттәшләребез сөенечле хәбәр. Бүген биредә "Мирас" дип аталган яңа уку йорты ачылды. Аңа гимназия статусы бирелгән.

Биредә күп фәннәрне туган телдә укытачаклар, милли тәрбия бирүгә, гореф-гадәт һәм йолаларны саклап калуга зур игътибар бирелә. Яңа белем йорты элеккеге 7нче мәктәп бинасында урын алган.

Ул Рөстәм Миңнеханов ярдәме белән капиталь төзекләндерелә. Бу бинада узган гасырның 80нче еллары ахырында татар гимназиясе ачылган була. Тик 30 ел тирәсе генә эшләп калган. Кадерле "Мирас" булып әйләнеп кайткан гимназияне бүген Дәүләт Советы рәисе урынбасары Марат Әхмәтов карады. Илдар Сафиуллин репортажы.